Ինչ է բյուջեն

Բյուջեն ֆինանսական պլան է, որը արտացոլում է օբյեկտի դրամական մուտքերը և ելքերը որոշակի ժամանակահատվածի կտրվածքով։ Դրա գլխավոր նպատակը ֆինանսական միջոցների օպտիմալ օգտագործումն է՝ նվազագույնի հասցնելով ավելորդ ծախսերը։ Այսինքն՝ անհրաժեշտ է որոշակի պլան,  որը կօգնի հասկանալ առաջիկա խնդիրները և դրանց հնարավոր լուծումները։ Ֆինանսական պլանը արդյունավետ գործիք է վերահսկելու դրամական հոսքերը, ինչպես նաև անհրաժեշտ ծախսերը կատարելուց բացի հնարավորություն ունենալ կատարել խնայողություններ։

 Կախված ընդգրկման մակարդակից (պետական բյուջե, ընտանեկան կամ անձնական բյուջե)՝ ֆինանսական պլանը նպատակահարմար է կազմել կոնկրետ ժամանակաշրջանի համար՝ տարեկան կամ ամսական։ Եթե խոսքը ընտանեկան կամ անձնական բյուջեի մասին է, ապա գերադասելի է ամսական հաշվարկ կատարել և կազմել պարզ պլան, որի մի մասում ներկայացված կլինեն եկամուտները, իսկ մյուս մասում՝ ծախսերը։ Քանի որ ֆինանսական միջոցները սահմանափակ են, բյուջեի պլամավորում կատարելով, կկարողանանք դրանք նպատակաուղղված օգտագործել և ժամանակին կատարել ֆինանսական պարտավորությունները։ Եվ որ ամենակարևորն է այնպես անել, որ ելքերը, այսինքն՝ ծախսերը, չգերազանցեն մուտքերը՝ եկամուտները։