ԻՆՉՊԵՍ ՆԵՐԴՆԵԼ ԱՎԱՆԴ ԵՎ ՕԳՏԱԿԱՐ ԽՈՐՀՈՒՐԴՆԵՐ
Հայաստանում ավանդ հնարավոր է ներդնել բանկերում: Առավել ՁԵՌՆՏՈՒ և ձեր կարիքներին համապատասխանող ավանդ ընտրելու համար ձեզ կօգնի Ֆինանսական տեղեկատուն: Այնուհետև այցելեք ձեր ընտրած բանկ՝ ձեր անձնագրով և սոցիալական քարտով՝ կնքելու ավանդային պայմանագիր:
Դուք կարող եք ներդնել ինչպես ՀՀ դրամով, այնպես էլ արտարժույթով ավանդ: Կարդացեք պայմանագրի հիմնական կետերը մինչև ստորագրելը:
ՄԻՆՉ ԱՎԱՆԴ ՆԵՐԴՆԵԼԸ
- Հստակեցրեք ավանդի նպատակը, որպեսզի կարողանաք ընտրել ավանդի առավել հարմար տեսակը:
- Պլանավորեք բյուջեն. որոշեք՝ որքան կարող եք ամեն ամիս խնայել:
- Համեմատեք ավանդները և ընտրեք ձեզ համար ամենաձեռնտու տարբերակը:
Հիշեք՝ բանկը պարտավոր է իր կողմից առաջարկվող յուրաքանչյուր ավանդի համար ունենալ տեղեկատվական ամփոփագրեր:
Համեմատելիս ուշադրություն դարձրեք հատկապես հետևյալ պայմաններին.
- Անվանական տոկոս և տոկոսային եկամտաբերություն
- Ժամկետ
- Արժույթ
- Տոկոսի ավելացման ժամկետ
- Գումար ավելացնելու կամ հանելու հնարավորություն
- Ավանդը ժամկետից շուտ հետ վերցնելու պայմանները
ԱՎԱՆԴ ՆԵՐԴՆԵԼԻՍ
Մինչ պայմանագիր կնքելը ուշադիր և մանրամասն կարդացեք պայմանագրում նշված կետերը:
- Հատկապես ուշադրություն դարձրեք այն կետերին, որոնց հիման վրա բանկը իրավունք ունի միակողմանիորեն փոխելու պայմանագրի պայմանները:
- Ավանդի տոկոսը կամ այլ սակագներ կարող են նշվել ոչ թե պայմանագրում, այլ բանկի այլ փաստաթղթում, օրինակ՝ բանկի սակագնային պլաններում: Դուք իրավունք ունեք պահանջելու բանկից այն փաստաթղթերը, որոնցով որոշվում են ձեր պայմանագրի պայմանները:
- Տեղեկացեք նաև գործող այլ հնարավորությունների՝ զեղչերի մասին:
- Բանկի աշխատակիցը պարտավոր է պատասխանել ձեզ հետաքրքրող բոլոր հարցերին:
- Պահպանեք պայմանագրի ձեր օրինակը:
ԱՎԱՆԴ ՆԵՐԴՆԵԼՈՒՑ ՀԵՏՈ
Ուշադի՛ր եղեք ձեր ավանդին վերաբերող բոլոր փաստաթղթերի նկատմամբ, քաղվածքները պահեք ապահով տեղում:
Բանկը պարտավոր է առնվազն 30-օրյա պարբերականությամբ Ձեզ տրամադրել քաղվածք` Ձեր յուրաքանչյուր հաշվի վերաբերյալ:
- Ստուգե՛ք բանկի կողմից տրված քաղվածքները։ Որևէ անճշտություն հայտնաբերելու դեպքում անմիջապես տեղեկացրեք Ձեր բանկին:
- Ձեր հին քաղվածքները պարունակում են Ձեր ավանդի վերաբերյալ անձնական տեղեկատվություն, ուստի դրանք մանրատեք նախքան դեն նետելը:
- Եթե մատուցվող ծառայությունների որակը գոհացուցիչ չէ՝ բողոքեք Ձեր բանկին:
Ձեր իրավունքները կարող են պաշտպանվել ինչպես Ֆինանսական համակարգի հաշտարարի միջոցով, այնպես էլ դատական կարգով:
-
2023-07-01Այստեղ կծանոթանաք ավանդի տեսակներին և, ամենակարևորը, կհասկանաք, թե որոնք են վերջինիս օգուտները, ինչին է պետք ուշադրություն դարձնել ավանդ ներդնելիս:Տեսնել ավելին
-
-
-
2023-07-01Այստեղ կծանոթանաք, թե ինչ է ավանդի պարզ տոկոսը և տոկոսային եկամտաբերությունըՏեսնել ավելին