ԻՆՉՊԵՍ ԱՊԱՀՈՎԱԳՐՎԵԼ

Դուք կարող եք ձեռք բերել ապահովագրական վկայագիր երկու տարբերակով.

Ուղղակի՝ հենց ապահովագրական ընկերություն այցելելով:

Անուղղակի՝ ապահովագրական բրոքերների կամ գործակալների միջոցով:

Ապահովագրական գործակալները և բրոքերները համարվում են ապահովագրական միջնորդներ, այսինքն՝ նրանք օժանդակում են ապահովագրողների և ապահովադիրների միջև հարաբերությունների հաստատմանը.

• Նախապատրաստում և ապահովադրին տրամադրում են խորհրդատվություն, թե որ ապահովագրատեսակն է նրան հարմար, ովքեր են մատուցում այդ ապահովագրատեսակը, ինչ սակագներով և այլն:
• Կազմակերպում են պայմանագրերի կնքումն ապահովադրի` որոշակի ապահովագրողների հետ:
• Օժանդակում են ապահովագրական պայմանագրերի կատարմանը, ներառյալ` ապահովագրավճարների հավաքագրման և հատուցումների փոխանցման իրականացմանը` ապահովադրի կամ ընկերության թույլատրած չափերով:

Ապահովագրական գործակալը ներկայացնում է ապահովագրական ընկերությունը, այլ կերպ ասած՝ նրա անունից և հանձնարարությամբ է հանդես գալիս:

Ապահովագրական բրոքերը կայացնում է ապահովադրին, այլ կերպ ասած՝ ապահովադրի անունից և հանձնարարությամբ հանդես է գալիս նրա կողմից տրված լիազորությունների շրջանակում:

Յուրաքանչյուր գործակալ կամ բրոքեր ունի լիազորությունների շրջանակ և գրանցված է Կենտրոնական բանկում: Խաբեություններից խուսափելու համար պահանջեք միջնորդից նրա գրանցման վկայականը կամ այցելեք Կենտրոնական բանկի կայք՝ ճշտելու համար, թե արդյոք տվյալ անձը ունի միջնորդության վկայական: