ԻՆՉՊԵՍ ՓՈԽԵԼ ՖՈՆԴԸ/ԿԱՌԱՎԱՐՉԻՆ

Դուք կարող եք ցանկացած ժամանակ փոխել ֆոնդը կամ կառավարչին.

• Եթե նույն կառավարչի մի ֆոնդից (օրինակ՝ միջին ռիսկային) հանում եք ձեր կուտակումները և տեղափոխում մյուս ֆոնդ (օրինակ՝ բարձր ռիսկային), ապա դա կատարվում է անվճար:
• Եթե մի կառավարչից մյուս կառավարչի մոտ եք տեղափոխվում, ապա տարեկան մեկ անգամ դա անվճար է, իսկ մնացած դեպքերում գանձվում է միջնորդավճար (փոխանցվող կուտակումների 1%-ի չափով):

Ֆոնդի/կառավարչի փոփոխության համար անհարժեշտ է ներկայացնել դիմում:

Ամեն դեպքում, մասնագետները խորհուրդ են տալիս դա հաճախ չանել, իսկ անելու դեպքում հիմնվել առնվազն 5 տարվա ցուցանիշների վրա:

Օրինակ՝

 Ընկերոջդ ընտրած ֆոնդի եկամտաբերությունը այս տարվա արդյունքներով 14% է, իսկ քո ֆոնդինը՝ 10%: Այս դեպքում սխալ է ֆոնդը կամ կառավարչին փոխելը: Պետք է հիշել, որ կենսաթոշակային ֆոնդերը կառավարվում են 20-30 տարի, եւ խելամիտ է, երբ որոշում ես կայացնում առնվազն վերջին 5 տարիների արդյունքների հիման վրա, իսկ այս համակարգը մեզ մոտ սկսել է աշխատել 2014 թ-ից:

Հիշե՛ք, որ ավելի ճիշտ է նայել և համեմատել եկամտաբերությունները երկարաժամկետ, քան կարճաժամկետ կտրվածքով:

Եկամտաբերություններին կարելի է հետեւել նաեւ ակտիվների կառավարիչների եւ Կենտրոնական դեպոզիտարիայի կայքերում՝

• http://www.amundi-acba.am/
• https://www.c-quadrat-ampega.am/?lang=am
• http://cda.am/am/37/information-centre/72/pension-system/76/funds-performance